ԱՀԴԽ-ն մեծահասակների մոտ. ինչո՞ւ այն չի նկատվում և ե՞րբ դիմել նյարդաբանի

Դուք մշտապես կորցնում եք բանալիները, սկսում եք գործեր ու չեք ավարտում դրանք, դժվարությամբ եք կենտրոնանում ձանձրալի առաջադրանքների վրա և ուշանում եք՝ չնայած բոլոր հիշեցումներին: Հնարավոր է՝ ողջ կյանքում սա համարել եք բնավորության գիծ, սակայն իրականում դրա հետևում կարող է կանգնած լինել ԱՀԴԽ-ն (ուշադրության պակասի և հիպերակտիվության համախտանիշ):

Հետազոտությունների համաձայն՝ մանկության տարիներին ախտորոշված մարդկանց 30–70%-ի մոտ ԱՀԴԽ-ն պահպանվում է նաև մեծ տարիքում: Ընդ որում, մեծաթիվ մեծահասակներ իրենց ախտորոշման մասին պարզում են միայն 30 կամ 40 տարեկանից հետո, ինչը հիմնովին փոխում է նրանց ինքնաընկալումը:

Ի՞նչ է ԱՀԴԽ-ն և ինչո՞ւ այն չի նկատվում մեծահասակների մոտ

ԱՀԴԽ-ն նյարդաբանական խանգարում է՝ կապված ուղեղի ճակատային բլթերի աշխատանքի առանձնահատկությունների հետ, որոնք պատասխանատու են պլանավորման, իմպուլսների վերահսկման և կենտրոնացման համար: Հիմքում դոֆամինի և նորադրենալինի՝ ուշադրության և մոտիվացիայի համար անհրաժեշտ նեյրոմեդիատորների անբավարար արտադրությունն է:

Երկար ժամանակ ԱՀԴԽ-ն համարվում էր բացառապես մանկական խնդիր: Այսօր գիտությունը փաստում է, որ շատերի մոտ ախտանշանները պահպանվում են ողջ կյանքի ընթացքում՝ պարզապես փոխելով իրենց դրսևորման ձևը: Եթե երեխաների մոտ այն արտահայտվում է անհանգստությամբ և շարժողական ակտիվությամբ, ապա մեծահասակների մոտ հիպերակտիվությունը տեղափոխվում է «ներս». մարդը չի վազվզում սենյակում, բայց նրա մտքերը մշտապես թռչում են մի թեմայից մյուսը:

ԱՀԴԽ-ի ախտանշանները մեծահասակների մոտ

Ախտանշանները բաժանվում են մի քանի խմբի.

Կենտրոնացման խանգարում.

• Դժվարություն սովորական կամ ձանձրալի առաջադրանքների վրա կենտրոնանալիս:
• Հաճախակի շեղում կողմնակի մտքերով կամ գրգռիչներով:
• Միաժամանակ շատ գործեր սկսելը, բայց դրանք հազվադեպ ավարտին հասցնելը:
• Կարևոր իրեր կորցնելը և պայմանավորվածությունները մոռանալը:

Իմպուլսիվություն.

• Զրուցակցին ընդհատելը կամ նրա փոխարեն նախադասությունն ավարտելը:
• Արագ որոշումների կայացումը՝ առանց հետևանքները կշռադատելու:
• Հերթի սպասելու դժվարությունը:

Էմոցիոնալ դիսրեգուլյացիա.

• Ուժեղ և արագ փոփոխվող էմոցիոնալ ռեակցիաներ:
• Քննադատության սուր ընդունում:
• Գրգռվածություն մանրուքների պատճառով և ցածր ինքնագնահատական մշտական «ձախողումների» ֆոնին:

Ե՞րբ դիմել նյարդաբանի. հստակ ազդանշաններ

Նյարդաբանի խորհրդատվությունը հիմնավորված է, եթե նկատում եք.

• Ժամանակի և գործերի կազմակերպման քրոնիկ դժվարություններ, որոնք չեն ենթարկվում «կամքի ուժին»:
• Մշտական զգացողություն, որ աշխատում եք կրկնակի շատ, քան մյուսները՝ նույն արդյունքին հասնելու համար:
• Մոռացկոտության կամ անպունկտուալության պատճառով խնդիրներ աշխատավայրում կամ հարաբերություններում:
• Ախտանշաններն առկա են մանկուց, այլոչ թե հայտնվել են վերջերս:

Ախտորոշում և բուժում Maletti Clinic-ում

Ախտորոշումը նախևառաջ կլինիկական զրույց է, որի ընթացքում նյարդաբանը հավաքում է մանրամասն անամնեզ: Բուժումը համալիր է. հիմքը կոգնիտիվ-վարքաբանական թերապիան է, որն օգնում է մշակել պլանավորման և ուշադրության կառավարման նոր ռազմավարություններ: Անհրաժեշտության դեպքում նշանակվում է դեղորայքային աջակցություն:

ԱՀԴԽ-ն անհատի թերություն չէ, այլ ուղեղի աշխատանքի առանձնահատկություն, որի հետ կարելի է և պետք է աշխատել:

Ամրագրեք խորհրդատվություն Maletti Clinic-ի նյարդաբանի մոտ՝ հասկանալու ձեր դժվարությունների իրական պատճառները: